काठमाडौँ- गृहमन्त्रालयले जिल्ला कोभिड संकट व्यवस्थापन केन्द्रको निर्णयबाट मात्रै सवारी पास वितरण गर्न निर्देशन दिएको छ ।
गृहले बिहीबार विज्ञप्ति जारी गर्दै २ सयभन्दा बढी सक्रिय संक्रमित रहेका जिल्लामा प्रमुख जिल्ला अधिकारी नेतृत्वको जिल्ला कोभिड संकट व्यवस्थापन केन्द्रको निर्णयबाट मात्रै अत्यावश्यक सेवाका सवारीमा पास वितरण गर्न निर्देशन दिएको हो ।
यसअघि गृहले कोरोना भाइरसको जोखिम बढेको भन्दै बुधबार देशभर सवारी पास वितरणसम्बन्धी कार्य बन्द गर्न निर्देशन दिएको थियो ।
बिहीबार नै गृहले अनुमतिबिनाका सवारी साधन प्रस्थान विन्दुबाटै अन्तरजिल्ला आवागमनमा रोक्न निर्देशन दिएको छ ।
यस्तो छ बिज्ञप्ति
प्रतिक्रिया