मुम्बई – भारतका कुख्यात डन विकास दुबेमाथि वेब सिरिज बन्ने भएको छ । निर्देशक हंसल मेहताले यो सिरिज निर्देशन गर्ने भएका छन् ।

वेब सिरिज बनाउन यसको राइटस् खरिद गरिसकेको जनाइएको छ । सिरिजमा विकास दुबेको कहानी देखाइनेछ । यसका लागि निर्माण टिम पनि उत्साहित बनेको छ ।

निर्माता शैलेश आर सिंहले दुबेको कहानी समाचार गृह तथा अन्य माध्यमबाट संकलन गरिरहेको बताएका छन् ।

केही समयअघि ८ प्रहरीको हत्या गरेको आरोप लागेपछि उनी चर्चामा थिए । त्यसको एक हप्तामा दुबेलाई प्रहरीले पक्राउ गरेको थियो । प्रहरीले दुबे भाग्न खोजेपछि भएको मुठभेडमा उनको मृत्यु भएको बताएको थियो ।

निर्देशक हंसल मेहताले पनि यो वेब सिरिज बनाउन आफू उत्साहित भएको बताएका छन् । यसलाई उत्कृष्ट राजनीतिक थ्रीलर बनाउने पनि उनले बताएका छन् ।

ग्याङस्टर विकास दुबे ८ प्रहरीको हत्या गरेको अभियोगपछि उत्तर प्रेदशको एक मन्दिरमा लुकेर बसेका थिए । विभिन्न मुद्दा खेपेका दुबेलाई प्रकाउ गर्न गएका प्रहरीले ज्यान गुमाएका थिए ।

प्रहरीले पक्राउ गरेपछि कानपुर जाने क्रममा बीच बाटोमा दुबे भाग्ने प्रयास गरेका थिए । सोही मुठभेडमा उनको मृत्यु भएको थियो ।