बाँके- बाँकेमा मंगलवार थप २६ जना कोरोना भाइरसका संक्रमित थपिएका छन् ।
बाँकेका प्रमुख जिल्ला अधिकारी रामबहादुर कुरुम्वाङका अनुसार भेरी अस्पताल नेपालगन्ज प्रयोगशालामा गरिएको पीसीआर परीक्षणमा थप २६ जनामा संक्रमण देखिएको हो ।
योसँगै बाँकेमा संक्रमितको संख्या ६ सय ५८ पुगेको छ । तीमध्ये चार सय पाँचजना उपचारपछि घर फर्किसकेका छन् । बाँकेमा कोरानाबाट दुई महिलासहित तीन जनाको मृत्यु भएको छ । बिहान ११ बजेसम्मको परीक्षणमा बाँकेका २६ सहित ५६ जनामा भाइरस पुष्टि भएको छ ।
अरु जिल्ला बाहिरका संक्रमित भएको जिल्ला स्वास्थ्य कार्यालय बाँकेका कोरोना फोकलपर्सन नरेश श्रेष्ठले जानकारी दिए ।
प्रतिक्रिया