रूपन्देही – कोरोना भाइरस संक्रमणको जोखिमलाई ध्यान दिदै प्रदेश ५ का आन्तरिक मामिला तथा कानून मन्त्री कूलप्रसाद केसी होम क्वारेन्टाइनमा बसेका छन् ।

प्रदेश २ का आन्तरिक मामिला तथा कानूनमन्त्री ज्ञानेन्द्र यादवलाई कोरोना संक्रमण पुष्टि भएपछि प्रदेश ५ का आन्तरिक मामिला मन्त्री केसी होम क्वारेन्टाइनमा बसेका हुन् ।

काठमाडौंमा भएको बैठकमा मन्त्री यादवसहित सहभागि भएका केसी होम क्वारेन्टाइनमा बसेका हुन् । मन्त्री केसीसहित ४ जनाको पीसीआर परीक्षणको लागि स्वाब संकलन गरिएको र रिपोर्ट नआइन्जेल उनी होम क्वारेन्टाइनमा नै बसेको उनका स्वकीय सचिव पदम कुँवरले जनाएको छ ।

प्रहरी समायोजनसम्बन्धी समन्वय समितिको बैठकमा सहभागी हुन काठमाडौँ आएक उनी बिहीबार बुटवल फर्केका थिए ।