काठमाडौं- काठमाडौं जिल्ला प्रशासनले आइतबारदेखि लागू हुने गरी १५ दिनका लागि अत्यावश्यक बाहेकका सेवा बन्द गरेको छ ।

कोरोना संक्रमण बढ्न थालेपछि जिल्ला प्रशासन कार्यालय काठमाडौंले अत्यवाश्यक सेवाबाहेकका काम बन्द गर्ने निर्णय गरेको हो ।

प्रशासनले एक विज्ञप्ति जारी गर्दै नयाँ नेपाली नागरिकता वितरण, नागरिकता प्रतिलिपी वितरण, हातहतियार दर्ता/नवीकरण, संस्था दर्ता/पत्रपत्रिका दर्तासाथै नवीकरण सम्बन्धी कार्य, निजी सुरक्षा कम्पनी नवीकरण, राहदानी वितरण, नाबालिग परिचय पत्र वितरण र अन्य अत्यावश्यक नभएका सेवाहरु स्थगित गरिएको जनाएको छ।

यसैगरी शान्ति सुरक्षा सम्बन्धी सेवा, ठाडो निवेदन र उजुरी सम्बन्धी सेवा, मुद्धा सम्बन्धी कार्य, अत्यावश्यक कामका लागि सवारी पास सम्बन्धी कार्य र विपद् व्यवस्थापन सम्बन्धी कार्य भने कायमै रहने प्रशासनले जनाएको छ।

(यसअघि ‘अत्यावश्यकबाहेक सबै सेवा बन्द’ भन्ने सूचना प्रवाह भएकोमा भुल सुधार गरिएको छ ।)