एजेन्सी – जर्मन क्लब बायर लिभरकुसन युरोपा लिगको क्वाटरफाइनलमा प्रवेश गरेको छ ।
बिहीबार राति भएको खेलमा जर्मन क्लब बायर लिभरकुसनले स्कटिस क्लब रेन्जर्सलाई १-० गोल अन्तरले हरायो । यसअघि पहिलो लेगमा ३-१ को जीत निकालेको उसले समग्रमा ४–१ को जीत हात पार्दै क्वाटरफाइनलमा स्थान सुरक्षित गरेको हो ।
बे एरिना लिभरकुसन जर्मनीमा भएको खेलमा घरेलु टोली लिभरकुसनको जीतमा खेलको ५१औँ मिनेटमा मोउसा डियावीले गरेको गोल नै निर्णायक सावित भयो ।
अब लिभरकुसनले सेमिफाइनल प्रवेशका लागि इटालियन क्लब इन्टर मिलानको सामना गर्नेछ ।
प्रतिक्रिया