काठमाडौं- सत्तारुढ दल नेपाल कम्युनिस्ट पार्टी (नेकपा)का अध्यक्ष पुष्पकमल दाहाल प्रचण्डसहित सचिवालयका चार नेताहरुबीच खुमलटारमा छलफल भएको छ ।

अध्यक्ष तथा प्रधानमन्त्री केपी शर्मा ओलीसँग आज भएको छलफलका विषयमा अध्यक्ष प्रचण्डले खुमलटारमा शीर्ष चार नेताबीच छलफल भएको हो ।

प्रचण्ड निवास खुमलटारमा भएको भेलामा अध्यक्ष दाहाल, वरिष्ठ नेता झलनाथ खनाल, माधव नेपाल र प्रवक्ता नारायणकाजी श्रेष्ठ सहभागी भएको स्रोतले जानकारी दिएको हो ।

आइतबार बिहान ओली, प्रचण्ड, खनालबीच बालुवाटारमा छलफल भएको थियो।

खनाल र नेता सुवास नेम्वाङको मध्यस्थतामा ओली र प्रचण्डबीच बालुवाटारमा झण्डै तीन घण्टा छलफल भएको थियो । छलफल सकारात्मकरूपमा अघि बढेको जनाइएको छ ।

यो पनि पढौं

ओली–प्रचण्ड वार्ता : निकास नभए पनि संवाद भएकोमा दुवै जना सन्तुष्ट 

ओली-प्रचण्डको आजको वार्ता पनि निष्कर्षविहीन