एजेन्सी- विश्वभर कोरोना भाइरसको संक्रमण भएका १ करोड ३ लाखभन्दा मानिस संक्रमणमुक्त भएका छन्।

जोन्स होप्किन्स विश्वविद्यालयले तयार पारेको तथ्यांक अनुसार हालसम्म विश्वभरबाट १ करोड ३ लाख ६५ हजार १ सय ७७ जना कोरोना संक्रमुणमुक्त भएका छन्।

यो नेपाली समय अनुसार शनिबार रातको १० बजेसम्मको तथ्यांक हो।

सबैभन्दा बढी निको हुनेमा ब्राजिल पहिलो नम्बरमा छ। अमेरिका, भारत र रुसले ब्राजिललाई पछ्याइरहेका छन्। ब्राजिलमा २० लाख ८ हजार ८५४ संक्रमित निको भएका छन् भने अमेरिकामा १४ लाख ३८ हहजार १ सय ६० जना निको भएका छन्।

भारतमा १० लाख ९४ हजारभन्दा बढी संक्रमित निको भएका छन्। रुसमा निको हुनेको संख्या ६ लाख ४५ हजारभन्दा बढी छ। नेपालमा हालसम्म २० हजार ८६ जना संक्रमित भएका छन् भने १४ हजार ४९२ जना निको भएका छन्।

हालसम्म विश्वका ६ लाख ८० हजार संक्रमितको भने मृत्यु भएको विश्वविद्यालयको तथ्यांक छ। अमेरिकामा सबैभन्दा बढी १ लाख ५३ हजार ६ सय ४२ संक्रमितको मृत्यु भएको छ।

हालसम्म विश्वभरका १ करोड ७६ लाख ३९ हजार १ सय ८५ जनामा कोरोना संक्रमण भएका छन्। सबैभन्दा बढी संक्रमित अमेरिकामा छन्। अमेरिकामा ४५ लाख ७९ हजार ७ सय ६१ जना संक्रमित भएको विवरण विश्वविद्यालयले प्रकाशन गरेको छ।