काठमाडौं- कोरोना रोकथाम तथा नियन्त्रणका लागि सरकारले चालेका कदम प्रभावकारी नभएको भन्दै विभिन्न माग राखेर सत्याग्रहमा बसेका ‘इनफ इज इनफ’ अभियान्ताहरुलाई कांग्रेस सभापति शेरबहादुर देउवाले भेटेका छन् ।

सभापति देउवाले वसन्तपुर पुगेर ‘इनफ इज इनफ’ अभियानका सत्याग्रहीहरुलाई भेटेर उनीहरुको मागमा ऐक्यबद्धता जनाएका हुन् ।

शनिबार दिउँसो वसन्तपुरमा पुगेका सभापति देउवाले युवाहरुको माग तत्काल सम्बोधन गर्न सरकारको ध्यानाकर्षण गराएका छन् ।

देउवाले युवाहरुले अघिल्लो पटक गरेको अनशनका बेला सरकारले गरेको सम्झौतालाई पूरा गरी सम्पूर्ण नेपाली नागरिकको जीवन रक्षा गर्नुपर्ने बताए ।

अभियन्ता ई लगायत युवाले कोरोना भाइरसरोकथामका लागि प्रभावकारी कदम चाल्नु पर्ने, पीसीआर परीक्षण बढाउनु पर्ने, सरकारसँग भएका सहमति कार्यान्वयन हुनुपर्ने लगायतका मागसहित सत्याग्रह बसेका बसिरहेका छन् ।