काठमाडौं– यतिखेर इङ्ग्लिस प्रिमियर लिग क्लब लिभरपुल र म्यानचेस्टर सिटीको शीर्ष स्थानका लागि प्रतिस्पर्धा चलिरहेको छ । यसअघि १ अंकको अग्रता बनाएको सिटीलाई शुक्रबार राति साउथह्यामटनमाथि जीत हात पार्दै लिभरपुलले २ अंकको अग्रता लिएको छ ।

घरेलु मैदानमा साउथह्यामटन पाहुना टोली लिभरपुलसँग ३—१ गोल अन्तरले पराजित भयो । जीतसँगै लिभरपुलको ८० अंक भएको छ भने दोस्रो स्थानमा रहेको सिटीको ८० अंक छ । प्रिमियर लिगको उपाधि यात्रा रोचक बन्दै गएको छ ।

लिभरपुलको जीतका लागि इजिप्टीयन स्टार मोहम्मद सलाहले सोलो गोल गरे । उनले खेलको ८० औं मिनेटमा गोल गरे ।

त्यसअघि खेलको शुरुवातमै साउथह्यामटनका साने लङले नवौं मिनेटमा गोल गर्दै पाहुना टोलीविरुद्ध अग्रता बनाएका थिए । खेलको ३६ औं मिनेटमा लिभरपुलका नावि केइटाले गोल गर्दै साउथह्यामटनसँग खेल १—१ को बराबरी गरेका थिए ।

८० औं मिनेटमा सलाहले गोल गरेपछि २—१ को अवस्थामा रहेको खेलमा सब्स्टीच्युट खेलाडी जोर्डन हेन्डरसनले ८६ औं मिनेटमा गोल गर्दै लिभरपुलाई ३—१ को जीत दिलाए ।

लिभरपुलको जीतमा एक गोल गरेका सलाहका प्रिमियर लिग क्लबहरुमा कम समयमा ५० गोल गर्ने खेलाडीको कीर्तिमानी पनि बनाएका छन् । उनले ६९ खेलमा ५० गोल पुरा गरेका छन् । यसअघि यो कीर्तिमानी फर्नान्डो टोरेसको नाममा थियो ।