इटालियन सिरि ए : नापोलीविरूद्ध इन्टर मिलानको सहज जीत

१४ श्रावण २०७७, बुधबार

पढ्न लाग्ने समय : < 1 मिनेट

काठमाडौँ- इटालियन सिरी ‘ए’ फुटबलमा इन्टर मिलानले सहज जीत हात पारेको छ ।

मंगलबार राति भएको खेलमा इन्टरले नापोलीलाई २-० गोल अन्तरले पराजित गरेको हो ।

घरेलु मैदानमा इन्टरलाई जीत दिलाउन डानिलो डीएम्ब्रोसियो र लाउटरो मार्टिनेजले एकएक गोल गरे ।

खेलको ११औं मिनेटमा डानिलोले गोल गर्दै टोलीलाई अग्रता दिलाएका थिए । त्यसपछि खेलको ७४औं मिनेटमा मार्टिनेजले गोल गर्दै टोलीलाई २-० को जीत दिलाए ।

जीतसँगै दोस्रो स्थानको इन्टरले ३७ खेलमा ७९ अंक जोडेको छ । नापोली भने ५९ अंक जोडेर सातौं स्थानमा छ ।

प्रकाशित मिति : १४ श्रावण २०७७, बुधबार ९ : ४९ बजे

प्रतिक्रिया