दार्चुला- दार्चुला जिल्लाको दुहु गाउँपालिकाको वडा नं ३ को सल्लेखेतीमा मंगलबार बिहान करिब ५ बजे तिर माथिबाट घरमा पहिरो खस्दा एकै परिवारका दुई जना बेपत्ता भएका छन् ।

सल्लेखेतीका ५० वर्षीय राम दत्त जोशी र श्रीमती ४५ वर्षीय इन्द्रा जोशी बेपत्ता भएको उनका २१ वर्षीय छोरा सुनिल जोशीले प्रहरीलाई जानकारी दिएको जिल्ला प्रहरी कार्यालय दार्चुलाका प्रहरी निरीक्षक एवम सूचना अधिकारी सुरेन्द्र प्रसाद जोशीले जानकारी दिए।

घटनास्थल व्रह्मदेब प्रहरी चौकीबाट प्रहरी टोली विहानै घटनास्थलमा पुगेर उद्धार कार्य भइरहेको र जिल्ला प्रहरी कार्यालय दार्चुलाबाट प्रहरी निरीक्षकको नेतृत्वमा टोली बिहान ६ बजे घटना स्थलतर्फ गएको प्रहरी निरीक्षक जोशीले बताए । रमेश खत्रीबाट