काठमाडौं– स्वास्थ्य तथा जनसंख्य मन्त्रालयले लकडाउनको समय र लकडाउन खुलेपछिको समयावधिमा कोरोना संक्रमितको संख्यामा कुनै अन्तर नभएको दाबी गरेको छ ।

डा गौतमका अनुसार लकडाउनको समयमा साउन २ गते ४ हजार ६८८ जनाको पीसीआर परीक्षण गर्दा १०१ जनामा पोजेटिभ आएको थियो । उक्त दर २.२ प्रतिशत हो ।

यस्तै साउन ३ गते १. ७ प्रतिशत, साउन ४ गते ४. १ प्रतिशत, साउन ५ गते ४.४ प्रतिशत र साउन ६ गते ३.८ प्रतिशतमा कोरोना संक्रमण भएको पाइएको थियो । डा गौतमका अनुसार लकडाउन खुल्नुभन्दा ५ दिनअघिको औषत ३. २ प्रतिशत रहेको थियो ।

यस्तै लकडाउन खुलेपछि साउन ७ गतेदेखि २.६ प्रतिशत, साउन ८ गते, ४.२ प्रतिशत, ९ गते ३.३ प्रतिशत, १० गते २.७ प्रतिशत र ११ गते ३.९ प्रतिशतमा कोरोना संक्रमण पुष्टि भएको थियो ।

डा गौतमका अनुसार लकडाउन खुलेको ५ दिनको अवधिमा औषत पोजेटिभ प्रतिशत ३.३ प्रतिशत रहेको छ ।

उक्त तथ्यांकले लकडाउनको समय र लकडाउन खुलेपछि कोरोना संक्रमितको संख्यामा खासै अन्तर नआएको डा गौतमले बताए ।