काठमाडौं- ट्रकले भ्यानलाई किचेर भएको दुर्घटनामा २ जनाको मृत्यु भएको छ । ललितपुरको नयाँबाटोमा जनक शिक्षा सामग्री केन्द्रको ट्रकले तरकारी बोकेको भ्यानलाई किच्दा दुर्घटना भएको हो ।
आज (शुक्रबार) मध्यान्ह ना१घ ५३३ नम्बरको ट्रकले तरकारी बोक्ने भ्यानलाई किचेको थियो । दुर्घटनामा ज्यान गुमाउनेको परिचय खुलेको छैन् । सवारी चाप रहेको सडकमा भएको दुर्घटनाले त्यस क्षेत्रको यातायात आवागमन समेत प्रभावित भएको छ । अहिले ट्राफिक प्रहरीले दुर्घटनाग्रस्त सवारीलाई सडक किनारमा पुर्याएर सवारी सुचारु गराएको छ ।
तीव्रगतिका कारण दुर्घटना भएको हुन सक्ने अनुमान गरिएको छ । कलंकी-कोटेश्वर सडक चौडा भएसँगै तीव्र गतिमा सवारी साधन सञ्चालन हुँदा दुर्घटना पनि बढ्न थालेका छन्।
तस्वीर : रुम गुरुङको फेसबुक
यो पनि पढ्नुहोस्
प्रतिक्रिया