काठमाडौं- तीन दिनसम्म लगातार मौसममा बदली र वर्षा हुने जल तथा मौसम पूर्वानुमान महाशाखाले जनाएको छ । देशभर सबैजसो भूभागमा आंशिक दलली रहने र पूर्वी भागमा मेघ गर्जनसहित बर्षा हुने महाशाखाको अनुमान छ । काठमाडौं उपत्यकामा भने बिहानैबाट फाट्टफूट्ट वर्षा शुरु भएको छ । मौसम विभागले तराइ क्षेत्रमा हल्का हावा हुरी चल्ने सभ्भावना पनि देखाएको छ । त्यस्तै उच्च हिमाली क्षेत्रमा हिमपात हुने सम्भावना छ।

महाशाखाले मौसमका बारेमा गरेको तीन दिने अनुमान हेर्नुहोस्
आज (शुक्रबार)
दिउँसो: देशभरका धेरैजसो भू-भागहरुमा आंशिकदेखि सामान्य बदली रहनेछ । देशको पुर्वी तथा मध्य भू-भागका केहि स्थानमा, पश्चिमी भु-भागका थोरै स्थानहरुमा मेघ गर्जनसहित वर्षाको संभावना देखिन्छ। तराइका सिमानामा र पश्चिमी पहाडका थोरै स्थानमा हल्का हावाहुरी चल्ने संभावना छ। उच्च हिमाली भू-भागहरुका केहि स्थानहरुमा हल्का हिमपातको संभावना देखिन्छ।

राति: देशको पुर्वी र मध्य भु-भाग लगायत पश्चिमी पहाडी भू-भागहरुमा आंशिकदेखि सामान्य बदली रहनेछ भने बाँकी भू-भागहरुमा आंशिक बदलि रहनेछ । देशको पुर्वी तथा मध्य भू-भागका थोरै स्थानमा, पश्चिमी भु-भागका १-२ स्थानहरुमा मेघ गर्जन साथ हल्का देखि मध्ययम वर्षाको संभावना देखिन्छ।। पुर्व र मध्य तराइका सिमानामा हल्का हावा हुरि चल्ने संभावना छ साथै उच्च हिमाली भू-भागहरुका केहि स्थानहरुमा हल्का हिमपातको पनि संभावना देखिन्छ।

भोलि (शनिबार ) 

दिउँसोः देशको अधिकांस भूभागहरुमा सामान्यदेखि पूर्ण बदली रहनेछ । देशका केहि स्थानहरुमा मेघ गर्जनका साथ हल्कादेखि मध्यम वर्षाको संभावना देखिन्छ। बिहानको समयमा तराइका सिमानामा हल्का हावा हुरि चल्ने संभावना छ र उच्च हिमाली भू-भागहरुमा हल्का देखि मध्यम हिमपातको संभावना देखिन्छ।

राति: देशको अधिकांस भूभागहरुमा सामान्य देखि पूर्ण बदली रहनेछ । देशका केहि स्थानहरुमा मेघ गर्जन सहित हल्का देखि मध्यम वर्षाको संभावना देखिन्छ र तराइका सिमानामा हल्का हावा हुरि चल्ने संभावना छ । उच्च हिमाली भू-भागहरुमा हल्का देखि मध्यम हिमपातको संभावना देखिन्छ।

पर्सी (आइतबार)

दिउँसोः देशभरका धेरैजसो भू-भागहरुमा आंशिकदेखि सामान्य बदली रहनेछ । देशको पुर्वी तथा मध्य भू-भागका थोरै स्थानमा, पश्चिमी भु-भागका १-२ स्थानहरुमा मेघ गर्जनसहित वर्षाको संभावना देखिन्छ। पशचिमि पहाडका थोरै स्थानमा हल्का हावाहुरी चल्ने संभावना पनि छ।

राति: देशको अधिकांस भूभागहरुमा आंशिक बदली रहनेछ । देशको पुर्वी भू-भागका १-२ स्थानमा मेघ गर्जनका साथ हल्का वर्षाको संभावना देखिन्छ। पश्चिम र मध्य तराइका सिमानामा हल्का हावाहुरी चल्ने संभावना छ ।