काठमाडौं – विश्व फुटबलको प्रतिष्ठीत ‘बालन डिओर अवार्ड २०२०’ नहुने भएको छ ।
कोरोना भाइरसको महामारीका कारण यो वर्षको अवार्ड रद्द गरिएको फ्रान्स फुटबलले जनाएको छ । सोमबार फ्रान्स फुटबलले यो वर्षको अवार्ड कोरोना महामारीकै कारण रद्द गरिएको जानकारी दिएको हो ।
सन् १९५६ देखि यो अवार्ड फ्रान्स फुटबलले हरेक वर्षको उत्कृष्ट खेलाडीलाई प्रदान गर्दै आएको छ ।
यो अवार्ड सबैभन्दा धेरै अर्जेन्टिना तथा स्पेनिस क्लब बार्सिलोनाका कप्तान लियोनल मेस्सीले जितेका छन् । उनले ६ पटक बालन डिओर अवार्ड जितिसकेका छन् ।
अघिल्लो वर्ष पनि मेस्सीले नै यो अवार्ड हात पारेका थिए । महिलातर्फ अमेरिकी फवार्ड मेगान रापिनोले जितेकी थिइन् ।
प्रतिक्रिया