मुम्बई – लकडाउनका कारण बलिउड सेलिब्रेटीको दैनिकीमा ब्रेक लागेको थियो । अहिले भने माहोल बिस्तारै खुला हुँदैछ ।
केही दिनयता सेलिब्रेटीहरु घरबाहिर देखिन थालेका छन् । शूटिङ पनि फाटफुट हुन थालेका छन् ।
हालै अभिनेता रणवीर कपूर पनि मुम्बईको सडकमा देखिएका छन् । उनले मुखमा पूरै मास्क लगाएर मुम्बईमा साइकल यात्रामा निस्केका हुन् ।
रणवीरलाई मास्क लगाएको हुनाले कसैले चिनेनन् । उनी निकै तीव्र गतिमा साइकल कुदाइरहेका थिए ।
उनी साइकल चढेको एक भिडियोले सामाजिक सञ्जालमा चर्चा कमाएको छ । हालै उनले आफ्नी आमा नितु कपूरको जन्मदिनमा पनि तस्वीर शेयर गरेका थिए ।
हालै रणवीर कपूरको परिवारमा पनि कोरोना भाइरस पोजेटिभ भएको हल्ला फैलिएको थियो । त्यसपछि रिद्धिमा कपूरले यो खबरको खण्डन गरेकी थिइन् ।
प्रतिक्रिया