काठमाडौं– इङ्ग्लिस प्रिमियर लिगमा टोटेनहम हट्सपुरसँग लेस्टर सिटी पराजित भएको छ ।

आइताबार राति भएको खेलमा टोटेनहमले घरेलु मैदानमा लेस्टरलाई ३–० गोल अन्तरले पराजित गरेको हो ।

पाहुना टोलीका जेम्स जस्टीनले खेलको छैटौं मिनेटमा आत्मघाती गोल गर्दै घरेलु टोली टोटेनहमलाई १–० गोलको अग्रता बनाउने अवसर दिएको थियो ।

शुरुवाती छैटौं मिनेटमा अग्रता लिएको टोटेनहमका लागि कप्तान ह्यारी केनले  दुई गोल थपे ।

केनले खेलको ३७ र ४० औं मिनेटमा गोल गर्दै टिमलाई पहिलो हाफमै ३–० गोलको सहज स्थितिमा पुर्‍याएका थिए ।

पहिलो हाफमा ३–० गोलको अवस्थामा रहेको टोटेनहमविरुद्ध दोस्रो हाफमा सशक्त बनेको लेस्टरले गोल फर्काउन भने सकेन ।

यद्यपि दोस्रो हाफमा लेस्टरले रक्षात्मक खेल्दै गोलथप्ने अवसर पनि टोटेनहमलाई दिएन ।

जीतसँगै टोटेनहम ३७ खेलबाट ५८ अंकसहित छैटौं स्थानमा उक्लिएको छ । पराजित लेस्टर भने समान ३७ खेलबाट ६२ अंकसहित चौथो स्थानमा छ ।