कास्की- गण्डकी प्रदेश प्रहरी कार्यालयले आइतबारदेखि पोखरामा आफ्नै अस्पताल सञ्चालनमा ल्याएको छ ।
पोखरा महानगरपलिका-७ मुस्ताङचोकमा २० शय्याको अस्पताल सञ्चालनमा ल्याएको हो ।
गण्डकी प्रदेश प्रहरी कार्यालय पोखराका प्रमुख प्रहरी नायव महानिरीक्षक घनश्याम अर्यालले आइतबार एक कार्यक्रमका बीच अस्पतालको उद्घाटन गरेका हुन् ।
नेपाल प्रहरी कल्याण कोषको बजेटबाट निर्माण भएको सो भवन ११०६ वर्ग फिट क्षेत्रफलमा बनेको छ । अस्पतालमा प्रहरी नायव उपरीक्षकको नेतृत्वमा ४१ जना डाक्टरको रहेको प्रहरी नायव उपरीक्षक राजेन्द्रबाबु रेग्मीले जानकारी दिए ।
प्रतिक्रिया