काठमाडौं – ६ महिनाभन्दा बढी समयदेखि फैलिएको कोरोना भाइरसको महामारीले अमेरिकामा १ लाख ४१ हजारभन्दा बढीको मृत्यु भएको छ ।
पछिल्लो २४ घण्टामा ९६३ जनाको मृत्यु भएसँगै बिहीबार बिहान यो समाचार तयार पार्दासम्म अमेरिकामा कोरोनाले मृत्यु हुनेको संख्या १ लाख ४१ हजार ११८ पुगेको हो ।
यस्तै पछिल्लो २४ घण्टामा ७३ हजार ३८८ जनामा संक्रमण पुष्टि भएपछि कोरोना संक्रमितको संख्या ३६ लाख ९५ हजार २५ पुगेको छ ।
कुल संक्रमितमध्ये १६ लाख ७९ हजार ६३३ जना संक्रमणमुक्त भएका छन् । उपचार गराइरहेका १८ लाख ७४ हजार २७४ जनामध्ये १६ हजार ४५२ जनाको अवस्था गम्भीर रहेको वर्ल्डोमिटर्सले जनाएको छ ।
प्रतिक्रिया