मुम्बई – बलिउड अभिनेता अमिताभ बच्चनका २६ जना स्टाफमा कोरोना परीक्षणको नतिजा नेगेटिभ देखिएको छ । अमिताभसहित छोरा अभिषेक, बुहारी ऐश्वर्या र नातिनी आराध्या बच्चनलाई कोरोना संक्रमण भएको पुष्टि भएको थियो ।

अमिताभलाई मुम्बईको नानावटी अस्पतालमा भर्ना गरिएको छ भने अभिषेक, ऐश्वर्या र आराध्या होम क्वारेन्टिनमा बसिरहेका छन् ।

यद्यपि अमिताभ बच्चनकी पत्नी जया बच्चनमा भने कोरोना संक्रमण देखिएको छैन ।

बच्चन परिवारको सम्पर्कमा ५४ जना व्यक्ति आएका थिए । तीमध्ये २८ जनालाई क्वारेन्टिनमा राखिएको छ । २६ जनामा जोखिम बढी भएको भनिएको थियो । ती २६ जनाको रिपोर्ट नेगेटिभ आएको छ । बाँकीको नतिजा अझै आएको छैन ।

यद्यपि सम्पर्कमा आएका सबैलाई १४ दिन क्वारेन्टिनमा बस्न भनिएको छ ।