पेट्रोलियम पदार्थ बिक्रीका लागि आएका १ हजार २५ वटा निवेदन खारेज

२८ असार २०७७, आइतबार

पढ्न लाग्ने समय : < 1 मिनेट

काठमाडौं- पेट्रोलियम पदार्थ बिक्रीका लागि आएका १ हजार २५ वटा निवेदन नेपाल आयल निगमले खारेज गरेको छ।

आएका निवेदन हाल पेट्रोलियम पदार्थ बिक्री केन्द्र भएको ठाउँकै लागि भएकाले निगमको सञ्चालक बोर्डले खारेज गरेको हो।

‘नयाँ बिक्रेताका लागि पर्न आएको निवेदनहरू जनसंख्या, भुगोल, सवारी साधनको तथा सडक घनत्वका आधारमा उपयुक्त छैनन्,’ विज्ञप्तिमा भनिएको छ।

निगमले आवेदन दिँदा बुझाएको दस्तुर रकमसमेत फिर्ता लिन आग्रह गरेको छ।

निगमले नयाँ बिक्रेता नियुक्तिका लागि २०७५ बैशाख र भदौमा आवेदन माग गरेको थियो।

प्रकाशित मिति : २८ असार २०७७, आइतबार २ : ५७ बजे

प्रतिक्रिया