काठमाडौं – हिन्दी फिल्म ‘यारा’ को टिजर सार्वजनिक गरिएको छ । धमाकेदार एक्सनसहितको टिजर युट्युबमार्फत सार्वजनिक गरिएको हो ।

टिजरमा बलिउड अभिनेता विद्युत जामवाल, विजय बर्मा, श्रुति हसन लगायतको शीर्ष भूमिका रहेको छ । साथै फिल्म नेपालमा समेत छायांकन गरिएको छ ।

मित्रताको कथा भनिएको यो फिल्ममा नेपाली कलाकार मरिष्का पोखरेलको पनि अभिनय रहेको छ । टिजरमा भने उनलाई जम्मा एक सेकेन्ड स्पेस दिइएको छ ।

मरिष्काले सामाजिक सञ्जालमार्फत फिल्मको टिजर हेर्दा खुशी लागेको बताएकी छिन् । उनले लामो समयदेखि यो दिन हेर्न चाहेको पनि बताएकी छिन् ।

मरिष्काका अनुसार फिल्मका लागि उनले झण्डै ५ वर्षअघि अडिसन दिएकी थिइन् । त्यतिबेला उनले केही फेशन शोमा मात्र सहभागी जनाएकी थिइन् ।

यो फिल्मले आफ्नो करिअरलाई फाइदा पुर्‍याउने उनको विश्वास छ । फिल्ममा ४ साथीको कथा देख्न सकिनेछ ।