दैलेख– दैलेखमा विद्यालय व्यवस्थापन समितिको बैठकमा बोल्दाबोल्दै समितिका एक सदस्यको मृत्यु भएको छ ।
भैरबी गाउँपालिका–३ स्थित जनसेवा प्रावि भुवाटाकुराका विद्यालय व्यवस्थापन समितिका सदस्य औंसे कामीको मृत्यु भएको हो ।
जिल्ला प्रहरी कार्यालय दैलेखका अनुसार शिक्षकहरुको तलब, विद्यालयको शैक्षिक प्रशासनलगायत विषयमा छलफल भइरहेको वेला उनी एक्कासि ढलेका थिए ।
उनी बोल्दै गर्दा देब्रे साइडमा अकस्मात् ढलेपछि उनलाई अस्पताल पुर्याउँदा अस्पतलले उनलाई मृत घोषित गरेको हो ।
६१ वर्षीय कामी जनसेवा प्रावि भुवाटाकुराका विद्यालय व्यवस्थापन समितिका पूर्वअध्यक्ष समेत हुन् ।
प्रतिक्रिया