काठमाडौं- समाजवादी पार्टीले सांसद सरिता गिरीलाई पदबाट निष्कासन गरेकोबारे संसद सचिवालयलाई जानकारी गराएको छ ।
बुधबार गिरीलाई सांसदबाट निष्कासन गर्ने पत्र लिएर समाजवादी पार्टी संसदीय दलका प्रमुख सचेतक उमाशंकर अरगरिया र सांसद राजेन्द्र श्रेष्ठ सिंहदरबारस्थित सचिवालय पुगेका थिए ।
संसद सचिवालयले गिरीलाई सांसदबाट निष्कासन गरेको बारे जानकारी निर्वाचन आयोगलाई दिनेछ ।
तर, पार्टी निर्णयविरुद्ध कान”नी उपचार खोज्ने गिरीले बताउँदै आएकी छन् ।
मंगलबार बसेको पार्टीको पदाधिकारी बैठकले पार्टी निर्देशन र संसदीय दलको ह्वीप उल्लंघन गरेको भन्दै गिरीलाई पार्टी सदस्य र सांसद पदबाट निष्कासन गर्ने निर्णय गरेको थियो ।
प्रतिक्रिया