नयाँ दिल्ली – ग्याङस्टर विकास दुबेले अपराधको दुनियाँमा कदम राख्नुभन्दा पहिले सन् १९९९ मा रिलिज भएको फिल्म ‘अर्जुन पण्डित’ हेरेका थिए । यो फिल्मका कारण पनि उनी अपराधको दुनियाँमा कदम राख्न प्रभावित भएको हुनसक्ने बताइएको छ ।

यही फिल्मबाट प्रेरित भएर उनी विकास दुबेबाट विकास पण्डित बने । राजनीतिज्ञ र प्रहरीबीच पनि उनी पण्डितकै रुपमा चिनिए ।

स्थानीय पत्रकारका अनुसार विकासलाई पण्डित भन्दा खुब रमाइलो लाग्थ्यो ।

फिल्ममा अर्जुन (सनी देओल) एक शक्तिशाली व्यक्तिको हातमा कठपुतली बन्छ । र, आफैले देखेको अपराधका बारेमा पनि चुप बस्छ । ऊ निशा नामकी एक युवतीसँग प्रेममा पर्छ । प्रेममा धोका खाएपछि ऊ ग्याङस्टर बन्छ ।

स्थानीय पत्रकारका अनुसार विकास दुबेले यो फिल्म सयौंपटक हेरेका थिए । र, उनी फिल्मबाट पूर्ण प्रभावित पनि थिए । विकासले फिल्मको कहानीमा झैँ आफ्नो परिचय पण्डितका रुपमा गराउँथे ।

विकास दुबे भारतीय प्रहरीको खोजी सूचीमा रहेका ग्याङस्टर भए पनि ३ जुनमा बिकरु गाउँमा ८ प्रहरीको ज्यान जाने गरी भएको हमलापछि थप चर्चामा छन् ।

दुबेलाई प्रहरीले प्रक्राउ गर्न खोजी थालेको छ । योगी आदित्यनाथको सरकारले दुबेको शिरको इनाम साढे २ लाख राखेका छन् ।

दुबेलाई पक्राउ गर्नमा ठूलो संख्यामा प्रहरी तैनाथ गरिएको जनाइएको छ ।