प्रहरी सहायक निरीक्षक घुससहित पक्राउ

२३ असार २०७७, मंगलबार

पढ्न लाग्ने समय : < 1 मिनेट

जनकपुर- सर्लाहीमा प्रहरी सहायक निरीक्षक घुस लिँदै गर्दा पक्राउ परेका छन् ।

प्रहरी सहायक निरीक्षक राम विश्वासराय यादव ५ हजार घुससहित रंगेहात पक्राउ परेको अख्तियार दुरुपयोग अनुसन्धान आयोगको बर्दिबासले जनाएको छ ।

इश्वरपुर नगरपालिका– १०, श्रीनगर, महारानी बजारस्थित कार्यालय परिसरबाट रंगेहात पक्राउ परेको यादवमाथि थप अनुसन्धान भइरहेको अख्तियारले जनाएको छ ।

भारतीय नम्बरको मोटरसाइकल छुटाइ दिने प्रयोजनको लागि सेवाग्राहीसँग घुस माग गरिरहेको सूचनाको आधारमा आयोगको टोलीले यादवलाई पक्राउ गरेको हो ।

प्रकाशित मिति : २३ असार २०७७, मंगलबार ६ : ३८ बजे

प्रतिक्रिया