काठमाडौं- जिल्ला प्रशासन कार्यालय काठमाडौंले उपत्यकाभित्र सवारी साधनको चाप बढेसँगै कोरोना संक्रमणको जोखिम थपिएको भन्दै सवारी पास वितरण प्रणालीमा नयाँ नियम लागू गरेको छ ।

सरकारले लकडाउन खुकुलो बनाएसँगै सार्वजनिक यातायात बाहेक अन्य अत्यावश्यक र निजी सवारीको हकमा जोर विजोर प्रणाली लागू गरेको थियो । त्यसपश्चात काठमाडौं उपत्यका भित्रिनेको संख्या बढेको छ ।

त्यसबाट थप जोखिम बढेको भन्दै जिल्ला प्रशासन कार्यालयले एक सूचना जारी गर्दै अत्यावश्यक काम जस्तै मृत्यु संस्कार, विवाह, अस्पतालबाट डिस्चार्ज भएका तथा सरकारी संघसस्था तथा परियोजनाको कर्मचारीको हकमा बाहेक औचित्य विचार गरेर मात्रै पास जारी गरिने जनाएको छ ।

त्यस्तै अत्यावश्यक कामका लागि उपत्यका भित्रिएका सवारीको हकमा काम सकाएर फर्किदा अन्य व्यक्तिलाई लिएर जान नपाइने गरी पास जारी गर्ने गरी नयाँ नियम लागू गरेको छ ।

जिल्ला प्रशासन कार्यालयद्वारा जारी सूचना