काठमाडौँ- खानेपानी तथा सरसफाई मन्त्री बिना मगरले मेलम्ञ्ची खानेपानी आयोजनाको पानी परीक्षण सुरु भएको बताएकी छिन् ।
आइतबार खानेपानी मन्त्रालयमा आयोजित पत्रकार सम्मेलनमा बोल्दै उनले भनिन्, ‘अब मेलम्चीको खानेपानी एकादेशको दन्त्य कथा जस्तो रहेन। यसको चाँडै नै अन्त्य भइ साउन महिनाभित्र मेलम्चीको पानी काठमाडौँको घरघरमा आइपुग्नेछ।’
उनले असार महिनाभित्र मेलम्चीको पानी काठमाडौमा झार्ने र साउनदेखि धारामा वितरण गर्ने बताइन्।
उनले मेलम्ची आयोजना सम्पन्न गर्न निकै चुनौती तथा कठिनाइहरु भोग्नु परे पनि सफल भएको बताइन् ।
उनले पानी टेस्टिङ प्रक्रियामा अगाडी बढेको हुँदा छिट्टै काठमाडौँमा आने बताइन् ।
मन्त्री मगरले पानीको आवश्यक टेस्टिङ प्रक्रिया सकेर आवश्यक नेतृत्वसँग छलफल गरेर छिट्टै उद्घाटनको मिति तय गर्ने जानकारी दिइन्।
मेलम्ची खानेपानी आयोजनाको सुरुङमा पानी परीक्षण कार्य बिहान ९:४५ बजेदेखि शुरु गरिएको हो।
प्रतिक्रिया