काठमाडौ– वरिष्ठ क्यान्सर विशेषज्ञ तथा क्यान्सर केयर नेपालका अध्यक्ष डा. मदनकुमार पियाले नेपालमा क्यान्सरको उपचार पद्धति सुधारोन्मूख हुँदै गएको बताएका छन् ।

अन्तर्राष्ट्रिय क्यान्सर दिवसको अवसरमा खबरहब डटकमद्वारा आयोजना गरिएको ‘क्यान्सरका विषयमा डाक्टरहरुसँग बहस’ कार्यक्रममा बोल्दै डा. पियाले नेपालमा क्यान्सरका विरामीहरुको सरकारी तथ्यांक एकिन नभएपनि क्यान्सरको उपचारमा आउने विरामीहरुको संख्या भने बढ्दो रहेको बताए ।

उनले क्यान्सर रोग सम्बन्धी नेपाली मिडियाहरुले जगाएको जनचेतनाकै कारण विरामीहरु उपचारका लागि सचेत भएको जनाए । उनले नेपालमा क्यान्सरको उपचारका लागि प्रविधिको समेत विकास भएको जानकारी दिए ।

उनले भने– ‘विगतमा डाइग्नोसिस गर्नेसम्मको सुविधान थिए, अहिले जिल्ला जिल्लामा क्यान्सरका प्याथोलोजिस्टहरु पनि धेरै छन् ।’ उनले क्यान्सर रोगको निदान खानपान र लाइफस्टाइलमा समेत निर्भर रहने बताए ।