काठमाडौं– देशभरका ८ वटा जिल्लामा ५ सय भन्दा बढी कोरोना भाइरस संक्रमित देखिएको स्वास्थ्य मन्त्रालयले जानकारी दिएको छ ।

स्वास्थ्य तथा जनसंख्या मन्त्रालयले ७७ जिल्ला मध्ये ८ वटा जिल्लामा ५ सय भन्दा बढी संक्रमित भएको जनाकारी दिएको हो ।
स्वास्थ्य मन्त्रालयका प्रवक्ता डा जागेश्वर गौतमले नियमित लाइभ अपडेट मार्फत  प्रदेश २ का ३ जिल्ला, प्रदेश ५ का ३ जिल्ला, कर्णालीको एक जिल्ला र सुदुरपश्चिम प्रदेशको एक जिल्ला गरी ८ जिल्लामा ५ सय भन्दा बढी कोरोना भाइरस संक्रमित भएको जनाकारी दिएका हुन् ।

५ सय भन्दा बढी संक्रमित हुने जिल्लाहरु

प्रदेश २ : महोत्तरी, रौतहट, सर्लाही
प्रदेश ५ : कपिलवस्तु, पाल्पा, दाङ
कर्णाली प्रदेश : दैलेख
सुदुरपश्चिम प्रदेश : कैलाली

स्वास्थ्य मन्त्रालयका प्रवक्ता डा गौतमले नेपालमा ७ प्रदेश मध्ये आज सबैभन्दा धेरै सुदूरपश्चिममा कोरोना संक्रमण देखिएको जानकारी दिए ।

डा गौतमका अनुसार सुदूरपश्चिम प्रदेशमा आज मात्र ३२० जनामा कोरोना संक्रमण पुष्टि भएको छ ।

यस्तै प्रदेश नम्बर २ मा ५३, बागमती प्रदेशमा ४७, गण्डकी प्रदेशमा २६ जना, प्रदेश १ मा १३ जना, प्रदेश ५ मा १० जना र कर्णाली प्रदेशमा ४ जनामा कोरोना संक्रमण पुष्टि भएको छ ।

यस्तै हालसम्म सबैभन्दा धेरै संक्रमित प्रदेश २ मा छन् भने सबैभन्दा कम बागमती प्रदेशमा रहेका छन् ।

कुन प्रदेशमा कति संक्रमित ?

प्रदेश १  : ६३६ जना
प्रदेश २ : ३ हजार ९०९ जना
बागमती प्रदेश : ५०५ जना
गण्डकी प्रदेश : १ हजार ८४ जना
प्रदेश ५ : ३ हजार ८५३ जना
कर्णाली प्रदेश : १ हजार ५१२ जना
सुदुरपश्चिम प्रदेश : ३ हजार २० जना रहेका छन् ।