काठमाडौं – संयुक्त राज्य अमेरिकामा दैनिक हजारौको संख्यामा नयाँ संक्रमितहरु थपिँदै गएका छन् । पछिल्लो २४ घण्टामा अमेरिकामा ५० हजार २ सय ९० जना कोरोना संक्रमित थपिएको अधिकारीहरुले जनाएका छन् ।

योसँगै अमेरिकामा कुल २७ लाख ७८ हजार १ सय ४३ जनामा कोरोना संक्रमण पुष्टि भएको छ ।  २४ घण्टामा यति धेरै संख्यामा संक्रमित थपिने मुलुकमा अमेरिका पहिलो हो ।

अमेरिकामा गएको २४ घण्टामा ६ सय ६६ जना व्यक्तिको मृत्यु भएपछि कोरोना संक्रमणबाट मृत्यु हुनेको कुल सङ्ख्या १ लाख ३० हजार ७ सय ८८ पुगेको छ ।

त्यस्तै हाल १४ लाख ८७ हजार ६ सय १२ जना संक्रमित अवस्थामै रहेका छन् भने संक्रमणमुक्त हुनेहरुको संख्या ११ लाख ५९ हजार ७ सय ४३ पुगेको छ ।

कोरोनाभाइरसबाट सवैभन्दा धेरै न्यूयोर्क प्रभावित भएको छ । न्युयोर्कमा ४ लाख १८ हजार ६ सय ५ जनामा कोरोना संक्रमण पुष्टि भएको छ भने ३२ हजार १ सय ४३ जनाले कोरोनाका कारण ज्यान गुमाएका छन् ।

न्युयोर्कपछि क्यालिफोर्नियामा २ लाख ३८ हजार ३ सय ९१ जनामा कोरोनाको संक्रमण देखिएको अधिकारीहरुले जनाएका छन् ।