काठमाडौं – अन्तर्राष्ट्रिय क्रिकेट परिषद् (आईसीसी) का अध्यक्ष सशांक मनोहरले कार्यकाल सकिएपछि पदबाट राजीनामा दिएका छन् ।

आफ्नो दुईवर्षे कार्यकाल सकिएपछि मनोहरले बुधबार राजीनामा दिएको आईसीसीले जनाएको छ ।

आईसीसीका कार्यकारी निर्देशक मनु सुवानेले दुई वर्षे कार्यकाल सफल रुपमा सम्पन्न गरेकोमा धन्यवाद भनेका छन् ।

आईसीसीका कार्यकारी प्रमुख मनु सावनेले भने, ‘आईसीसी बोर्ड, कर्मचारी र सम्पूर्ण क्रिकेट परिवारको तर्फबाट म शशांकलाई उनको नेतृत्व र आईसीसी अध्यक्षको हैसियतमा खेलका लागि गरेको योगदानका लागि धन्यवाद दिन्छु ।’

यस्तै, मनोहरले राजिनामा दिएसँगै उपाध्यक्ष रहेका इमरान ख्वाजाले अध्यक्षको जिम्मेवारी पाएका छन् ।

अध्यक्षको जिम्मेवारी सम्हालेका ख्वाजाले भनेका छन्, ‘आईसीसी बोर्डका सबैले शशांकलाई हाम्रो खेलप्रति देखाएको प्रतिबद्धताको लागि हार्दिक धन्यवाद दिनेछौँ । शशांकले क्रिकेट र आईसीसीलाई राम्रो ठाउँमा पुर्‍याएका छन् ।’

सम्भवतः आगामी साता आईसीसीको नयाँ अध्यक्षको लागि प्रक्रिया अगाडि बढाइने छ ।