काठमाडौं- सलह कीरा प्युठानमा देखिएको छ । प्युठानका विभिन्न स्थानमा सलह कीराले बाली नष्ट गर्न थालेका छन् ।
सोमबार दिउँसो प्युठानका केहि गाउँमा देखिएको सलह मंगलबार भने जिल्लाभर नै फैलिएको र बाली समेत नष्ट गर्न थालेको सारुमारानी गाउँपालिकाका अध्यक्ष झगबहादुर विश्वकर्माले बताए ।
सारुमारानी गाउँपालिकामा पनि मंगलबार सलह कीराले मकै बाली नष्ट गर्न थालेको विश्वकर्माले जानकारी दिए ।
‘आकासै ढाक्ने गरी ठूलो संख्यामा सलह देखिएको छ’ उनले खबरहबसग भने,’सलह भगाउन स्थानीयहरुले थाल, टिन बजाईरहेका छन ।’
उनका अनुसार सलहले अहिले जिल्लाका विभिन्न गाउँमा लगाएको मकै बालीमा क्षति पुर्याएको छ ।
प्रतिक्रिया