काठमाडौं- दक्षिणकाली नगरपालिका वडा नम्बर ३ का स्थानीयहरुले सडक मर्मत तथा कालोपत्र नभएकोमा विरोध जनाउँदै सोमबार सडकमै रोपाइँ गरेका छन्।
सडकमा कालोपत्र, कुलो आदि निर्माण नगरिएको भन्दै विरोधस्वरुप उनीहरुले सडकमै रोपाइँ गरेका हुन्। सडक निर्माणको लागि नगर प्रतिनिधि तथा नगरपालिकालाई भने पनि त्यसको सुनुवाइ नभएको उनीहरुले गुनासो गरेका छन् ।
करिब २५ जना स्थानीय युवा, वृद्ध, महिला लगायतका स्थानीय विरोध कार्यक्रममा सहभागी भएका थिए ।
उनीहरुले सडकमा धान रोपौं कि माछा पालौं, जनप्रतिनिधको पाराले दुःख पाए साराले, बजेट खल्तीलाई हो कि सडकलाई लगायतका नारा लेखिएका प्लेकार्ड समेत बोकेका थिए।
प्रतिक्रिया