काठमाडौं- खण्डग्रास सूर्यग्रहण सुरु भएको छ। नेपाल पञ्चाङ्ग निर्णायक समितिका अनुसार बिहान १० बजेर ५० मिनेटदेखि ग्रहण शुरु भएको हो।

खण्डग्रास अर्थात् आधा सूर्य ढाक्ने गरी हुने सूर्यग्रहण अहिलेसम्मकै सबैभन्दा लामो मानिएको छ। ग्रहणको अवधि ३ घण्टा ३३ मिनेटको हुनेछ।

बिहान १० बजेर ५३ मिनेटमा प्रारम्भ भएको यो ग्रहण १२ बजेर ४० मिनेटमा मध्य अवस्थामा आउने र २ बजेर २४ मिनेटपछि सकिने छ। पन्चांग निर्णायक समितिका अध्यक्ष प्राध्यापक डाक्टर रामचन्द्र गौतमका अनुसार नेपालबाट तीन घण्टा ३३ मिनेटसम्म सूर्यग्रहण देखिनेछ।

धार्मिका मान्यता अनुसार ग्रहणका समयमा स्नान, दान, श्राद्ध, जप, ध्यान, साधनालगायत कर्म गर्न शुभ मानिन्छ।

ग्रहणका बेला सकेसम्म तीर्थस्थलमा नसके नजिकको नदी, ताल, तलाउ, पोखरी यति पनि सम्भव नभए घरमै स्नान गर्नुपर्ने धार्मिक ग्रन्थमा उल्लेख गरिएको छ।