काठमाडौँ- ठेकेदारसँग घुस लिँदै गर्दा एक जना प्रहरी निरीक्षक (इन्सपेक्टर) पक्राउ परेका छन् ।

इलाका प्रहरी कार्यालय भिमफेदीमा कार्यरत इन्सपेक्टर रामबालक राय घुस रकमसहित रंगेहात पक्राउ परेका हुन् ।

प्रदेश प्रहरी कार्यालय हेटौंडाबाट खटिएको प्रहरी टोलीले ठेकदार दुर्गा लामासँग १२ हजार लिँदै गरेको अवस्थामा इन्सपेक्टर रायलाई घुस रकमसहित पक्राउ गरेको हो ।

शनिबार बिहान भिमफेदी– ६ स्थित सगरमाथा होटलबाट इन्सपेक्टर रायलाई पक्राउ गरिएको प्रदेश प्रहरी कार्यालयले जनाएको छ ।

‘कारबाहीका लागि वाग्मती प्रदेश कार्यालय तानिसकेका छौं । उनी आजैबाट निलम्बन भइसकेका छन् । अब कानुन प्रक्रियाअनुसार कारबाही अगाडि बढ्नेछ’, बाग्मती प्रदेशका डिआइजी बसन्त लामाले बताए ।

घटनाबारे थप अनुसन्धान जारी रहेको प्रहरीले जनाएको छ ।