काठमाडौं- स्वास्थ्य तथा जनसंख्या मन्त्रालयले निर्देशिका विपरीत आएका नमूनाहरूको पीसीआर परीक्षण नगर्न अनुरोध गरेको छ।

कोभिड-१९ को नमूना संकलन गर्दा तोकिएको निर्देशिका भन्दा फरक तरिकाले संकलन भइरहेको भन्दै स्वास्थ्य मन्त्रालयले त्यसो नगर्न सम्बन्धित सरोकारवाला निकायलाई अनुरोध गरेको हो।

मन्त्रालयका प्रवक्ता डा. जागेश्वर गौतमले निर्देशिका विपरीत नमूना संकलन गरेर पीसीआर परीक्षणका लागि दबाब दिने गरिएकोप्रति मन्त्रालयको धानाकर्षण भएको जानकारी दिए ।

यसरी नमूना संकलन गरिँदा स्रोतसाधनको दुरुपयोग हुने, परीक्षणको लागि आवश्यक व्यक्तिहरूको समयमै परीक्षण हुन नपाउने समस्या देखिएको उनले बताए ।

निर्देशिकामा तोकिएबमोजिमका व्यक्तिहरूको नमूना मात्र संकलन गरी परीक्षण गर्न गराउन सम्बन्धित निकायलाई उनले आग्रह गरे ।