एजेन्सी- भारत-चीन सीमा क्षेत्र गलवान उपत्यकामा भएको भिडन्तका क्रममा चीनको कब्जामा रहेका १० भारतीय सैनिकलाई चीनले रिहा गरेको छ ।

सीमा क्षेत्रमा भएको भिडन्तमा २० भारतीय सैनिकको ज्यान गएको थियो । नियन्त्रणमा रहेका १० जनालाई चीनले रिहा गरेको छ । भिडन्तको ३ दिनपछि चीनले रिहा गरेको हो ।

चीनले बिहीबार बेलुका १० भारतीय सैनिकलाई रिहा गरेको खबर द हिन्दूमा प्रकाशित छ।

सुहासिनी हैदर र दिनकर पेरीले हिन्दूमा लेखेको समाचार अनुसार भारत र चीनको आर्मीका मेजर जनरल तहमा भएको वार्तापछि बन्धक रहेका भारतीय सैनिक स्वतन्त्र भएका हुन् ।

पूर्व लद्दाखसँगैको गलवान उपत्यकाको वास्तविक नियन्त्रण रेखा (एएलसी) मा गएको सोमबार राति भारत र चीनका सैनिकबिच भिडन्त भएको थियो । सो भिडन्तमा भारतका एक उच्च सैनिक कमाण्डरसहित २० जनाको ज्यान गएको थियो ।