काठमाडौं– चितवनको भरतपुरबाट २ जना व्यक्ति शवसहित पक्राउ परेका छन् ।

बोरामा शव बोकेर हिँडिरहेका २ जनालाई भरतपुर महानगरपालिकाअन्तर्गतको गणेश चोकबाट पक्राउ गरेको हो ।

वडा प्रहरी कार्यालय नारायणगढबाट मोबाइ गस्तीमा खटिएको प्रहरी टोलीले शंकाको आधारमा चेकजाँच गर्दा २ जना व्यक्ति शवसहित पक्राउ परेका हुन् ।

पक्राउ पर्नेमा भारत मोतिहारी घर भएका ४० वर्षीया देवी साह र २६ वर्षी दिगन साह छन् । बरामद भएको शव उनीहरुकी बहिनी १७ वर्षीया परिकुमारी साहको रहेको प्रहरीको भनाइ छ ।

प्रहरीसँगको बयानका क्रममा उनीहरुले बहिनीको शव दाससंस्कारका लागि नारायणी नदीतर्फ लैजान लागेका बताएका छन् ।

बयानका क्रममा उनीहरुले बहिनी परिकुमारीले पासो लगाएर आत्महत्या गरेको बताएका छन् ।