काठमाडौं – सुदूरपश्चिम बाहेकका सबै भू-भागमा मनसुन सक्रिय भएको छ ।
गएको शुक्रबार पूर्वी क्षेत्रबाट नेपाल भित्रिएको मनसुन अहिले कर्णाली प्रदेशमा पुगेकाले सुदूरपश्चिममा पनि पुग्नै लागेको मौसम पूर्वानुमान महाशाखाले जनाएको छ ।
माथिल्लो वायुमण्डलमा उच्चचापीय क्षेत्रको प्रभावले कर्णालीबाट मनसुन अघि बढ्न नसकेको मौसमविद्ले बताएका छन् ।
जल तथा मौसम पूर्वानुमान महाशाखाका अनुसार अहिले पनि मुलुकका विभिन्न स्थानमा मध्यमस्तरको वर्षा भइरहेको छ ।
दिउँसोसम्म भने भने हवाइ उडानदेखि सडक यातायात नै प्रभावित हुने गरीको भारी वर्षाको सम्भावना रहेकाले सतर्क रहन महाशाखाले अपिल गरेको छ ।
अहिले काठमाण्डौ उपत्यकासहित प्रदेश १ र ५ का केही ठाउँमा हल्का पानी परिरहेको महाशाखाले जनाएको छ ।
मौसम पूर्वानुमान महाशाखाका अनुसार आज प्रदेश १, प्रदेश ५, कर्णाली र सुदूरपश्चिम प्रदेशमा पूर्ण बदली रहेने छ भने प्रदेश २, वाग्मती, र गण्डकी प्रदेशमा सामान्य बदली हुनेछ ।
दिउँसो प्रदेश १, प्रदेश २, बागमती प्रदेश, गण्डकी प्रदेश र प्रदेश नम्बर ५ का धेरै ठाउँमा साथै कर्णाली र सुदुरपश्चिम प्रदेशका केही ठाउँमा मेघगर्जन र चट्याङसहित हल्कादेखि मध्यम वर्षाको सम्भावना रहेको छ ।
प्रदेश १, प्रदेश २, वाग्मती र गण्डकी प्रदेशका केही ठाउँमा भारी वर्षाको सम्भावना रहेकाले उक्त क्षेत्रका नदीमा पानी वहाव बढ्ने र पहिरो जाने पनि जोखिम रहेकाले सतर्क रहन महाशाखाले आह्वान गरेको छ ।
प्रतिक्रिया