एजेन्सी – क्रिकेट अस्ट्रेलिया (सीए) बोर्डले आईसीसी टी–२० विश्वकपसम्म अन्तरिम कार्यकारी निर्देशक (सिईओ) मा निक हक्लेलाई नियुक्त गरेको छ ।

मंगलबार क्रिकेट अस्ट्रेलियाको बोर्ड बैठकले हक्लेलाई अन्तरिम सिईओ नियुक्त गरेको हो । क्रिकेट अस्ट्रेलियाले केभिन रोबर्टसले सिईओबाट राजीनामा दिएपछि नयाँ सिईओका रुपमा हक्लेलाई नियुक्त गरिएको बताएको छ ।

विज्ञप्तिमार्फत् अध्यक्ष अर्ल एडिङले क्रिकेट अस्ट्रेलिया कोरोना भाइरस (कोभिड १९) को महामारीपछिको क्रिकेटलाई अगाडि बढाउन सक्ने क्षमताको सिईओ विश्वभरबाट खोजिरहेको बताएका छन् ।

‘क्रिकेट अस्ट्रेलिया राम्रो एक कुशल नेतृत्वको खोजिमा छ । जसले खेलकुदको भविष्यबारे राम्रो सोच्ने होस्, खेलाडी र सबै कर्मचारी, स्टेट एसोसियसन, प्रायोजक र समर्थकलाई समेटेर लैजान सक्ने होस्,’ अध्यक्षले जारी गरेको विज्ञप्तिमा भनिएको छ ।

हक्लेसँग १३ वर्षको महत्वपूर्ण प्रतियोगितामा काम गरेको अनुभव रहेको छ । उनी आईसीसी टि–२० विश्वकपसम्म नियुक्त भएका छन् ।