मोरङ- शिवसेना नेपालले सोमबार साँझ मोरङको बिराटनगरमा राँके जुलुस प्रदर्शन गरेको छ ।

मोरङ जिल्ला अध्यक्ष सतिश पोखरेल तथा उपाध्यक्ष शम्भु श्रेष्ठको नेतृत्वमा निस्किएका शिव सेना नेपालका कार्यकर्ताहरुले राँके जुलुस प्रदर्शन गरेका हुन् ।

उनीहरुले गणतन्त्र विरोधी नारा लगाउँदै राजसंस्था पुनःस्थापनाको माग गरेका थिए । उनीहरुले नेपालको अतिक्रमित भूमि एक इन्च पनि नछोड्ने नारा लगाउँदै विरोध प्रदर्शन गरेका थिए ।

राँके जुलुस प्रदर्शनमा बुद्धिजीवी, उद्योगी-व्यवसायी लगायत स्थानीय युवाहरुको उल्लेख्य सहभागिता रहेको थियो ।

मोरङ जिल्ला अध्यक्ष पोखरेलको नेतृत्वमा बलियामा जुलुस निकािलएको थियो भने उपाध्यक्ष शम्भु श्रेष्ठ, नगर अध्यक्ष टेकराज पोखेरल र नगर सचिव मोहनमहन दहाल नेतृत्वको टोलीले नर्सिङ चोकमा जुलुस निकालेको थियो।