बर्दिया–जिल्ला प्रहरी कार्यालय बर्दियाले अवैध सामान सहित एक जनालाई पक्राउ गरेको छ । जिल्लाको बढैयाताल गाउँपालिका–६, शिवमन्दिर चौक र वडा नम्वर २ फुटाह छेउमा भारतबाट अवैध मालसामान चोरी पैठारी गरी ल्याउँदै गरेको अवस्थामा बढैयाताल ७ का कृपाराम यादवलाई पक्राउ गरेको हो ।

ईलाका प्रहरी कार्यालय मैनापोखरवाट खटीएको टोलीले यादवको साथवाट अवैध रुपमा ल्याउदै गरेको सुपरपावर सुर्ती ३ सय ५० पोका, अग्रवाल सुट १२ पिस, राजेश सुट ८ पिस, कैलाश सुट ३ पिस, सुटपिस थान १, खाता कपडा ५ थान, मोटरसाईकलको टायर १ सय २० थान, फलामको जाली सहित दुईवटा मोटरसाईकल गरी २ लाख १० हजार ४ सय रुपैयाँ बराबरको सामान बरामद गरेको हो ।

पक्राउ परेका यादवलाई आवश्यक कारबाहीका लागि राजापुर भन्सार कार्यालय गुलरियामा पठाइएको जिल्ला प्रहरी कार्यालय बर्दियाका प्रहरी उपरिक्षक सुरेन्द्र प्रसाद मैनालीले बताए ।