काठमाडौं- सूदुरपश्चिम प्रदेशले कोरोना अस्थायी अस्पताल सञ्चालन गर्न ४८ जना डाक्टर, नर्सलगायतका स्वास्थ्यकर्मी माग गरेको छ ।

समाजिक विकास मन्त्रालय स्वास्थ्य निर्देशनालय सुदूरपश्चिम प्रदेशले ४८ जना स्वास्थ्यकर्मीका लागि दरखास्त आव्हान गरेको हो ।

सुदूरपश्चिम प्रदेशले फिजिसियन ५ जना, एनेस्थोलोजिष्ट २ जना, मेडिकल अफिसर १० जना, बायोमेडिकल इन्जिनियर १ जना र स्टाफ नर्स ३० जनाका लागि दरखास्त आव्हान गरेको छ ।

सुदूरपश्चिम प्रदेश सरकारले इच्छुक व्यक्तिलाई ५ दिन भित्र दरखास्त पेश गर्न आव्हान गरेको छ । सुदूरपश्चिम प्रदेशले आवेदकलाई अन्तर्वार्ता मार्फत छनोट गरी करार सेवामा राख्नेछ ।

अन्तर्वार्ताबाट छनोट भएका स्वास्थ्यकर्मीले सेती प्रादेशिक अस्पतालको हाताभित्र सञ्चालित पाँच शय्याको आईसीयू र नवनिर्मित कोरोना अस्थायी अस्पतालमा काम गर्नुपर्ने जनाइएको छ ।