काठमाडौं– सोमबार साँझ बसेको मन्त्रिपरिषद् बैठकले बारा र पर्सामा आइतबार साँझ आएको हावाहुरीबाट भएकाे घटनाप्रति दुःख व्यक्त गर्दै राहत र उद्धारमा तदारुकता दिने निर्णय गरेको छ ।
बैठकले प्रदेश सरकारसँग समन्वय गरेर राहत तथा उद्धारको काम गर्ने निर्णय गरेको हो । घाइतेहरुको सम्पूर्ण उपचारको व्यवस्था पनि सरकारले गर्ने निर्णय गरेको छ । यसैबीच, बारा र पर्साका हावाहुरी पीडितका लागि प्रदेश नम्बर १ को सरकारले १ करोड रुपैयाँ आर्थिक सहयोग गर्ने भएको छ ।
प्रदेश मन्त्रिपरिषद्को बिहीबार बसेको बैठकले सो राहत दिने निर्णय गरेको मुख्यमन्त्रीका प्रेस सल्लाहकार ध्रुव सुवेदीले जानकारी दिए ।
प्रतिक्रिया