चीन- चीनको राजधानी बेइजिङस्थित एक होलसेल बजारका ४५ जनामा कोरोना भाइरस संक्रमण पुष्टि भएको छ ।

बेइजिङको दक्षिण-पश्चिम क्षेत्र फेङ्टाइ जिल्लाको सिङ्फाडी बजारका ५ सय १७ जनामा गरिएको स्वाब परीक्षणमा ४५ जनामा कोरोना संक्रमण पुष्टि भएको जनाइएको छ ।

थप कोरोना संक्रमित भेटिएपछि सो क्षेत्रलाई ’युद्धकालीन आपतकाल’ घोषणा गरिएको छ ।

संक्रमित भेटिएका क्षेत्रका सम्पूर्ण पर्यटकीय र खेल गतिविधिमाथि प्रतिबन्ध लगाइएको छ । संक्रमित फेला परेसँगै त्यहाँ कोरोना भाइरसको नयाँ चरण सुरू भएको समेत आशंका गरिएको छ ।

नयाँ कोरोना भाइरस संक्रमितहरु कसैमा पनि कोरोनाको लक्षण नदेखिएको जनाइएको छ ।  संक्रमित देखिएपछि सो क्षेत्रमा सुरक्षाकर्मीको उपस्थिति सील गरिएको छ ।

आइतबार विहानसम्म विश्वभर कोरोनाको महामारीका कारण संसारभर ७८ लाख बढी मानिस संक्रमित भएका छन् भने ४ लाख ३२ हजार बढीको मृत्यु भएको छ ।