काठमाडौं- नेपाली कांग्रेसका नेता गगन थापाले संविधान संशोधन विधेयकमाथिको दफावार छलफलमा आफूलाई बोल्न नदिइएकोमा आक्रोश व्यक्त गरेका छन् ।

उनले संविधान संशोधन जस्तो गम्भीर विषयमा आजको बैठकमा बोल्न नदिएको प्रति आक्रश पोखेका हुन् ।

संसदमा किन नबोलेको भन्ने विषयमा सामाजिक सञ्जालमा धेरैका प्रतिक्रिया आएको बताउँदै उनले सामाजिक सञ्जालमा आक्रोश पोखेका छन् ।

‘आज किन नबोलेको भनेर धेरै साथीले सोध्नुभएको छ ।’,’सांसद थापाले लेखेका छन्, ‘संविधान संशोधन जस्तो महत्त्वपूर्ण विषयको दफावार छलफलमा सभामुखले दललाई समय तोकेर दिने, दलले मान्छे तोकेर बोल्न दिने अनि बोल्न पाउँ भन्दा सभामुखले दललाई भन्नुस भन्ने!! चलन यस्तै हो रे !’ यस्तै चलनले हो सांसदको भूमिका खुम्चिएको।