काठमाडौं – कोरोना भाइरसमा मौसमको प्रभावबारे स्पष्ट नरहेकाले साबधानी नै अहिलेको उपयुक्त उपाय भएको विश्व स्वास्थ्य संगठन (डब्ल्युएचओ) ले जनाएको छ ।

बुधबार भएको प्रेस ब्रिफिङमा डब्ल्युएचओका आपतकालीन कार्यक्रम प्रमुख माइक रायनले पृथ्वीको दक्षिण ध्रुवमा जाडो मौसम आउँदा वा अन्य क्षेत्रमा गर्मी बढ्दाको प्रभावबारे अहिले स्पष्ट हुन नसकिने बताएका हुन् ।

‘तत्काल हामीसँग त्यस्तो कुनै तथ्यांक छैन कि जाडो मौसममा कोरोना भाइरस थप आक्रमणक हुन्छ वा शिथिल हुन्छ,’ रायनले भने ।

उनले कोरोना भाइरसको संक्रमण जाडो याममा थप तीव्र गतिमा हुन्छ वा संक्रमणको जोखिम कम हुन्छ भन्ने अहिले भन्न सक्ने अवस्था नरहेको उनले प्रष्ट्याएका छन् ।

मौसमले कोरोना भाइरसको प्रभाव कम वा बढी हुन्छ भन्ने भ्रममा नपरी सावधानी अपनाउन पनि उनले सुझाव दिएका छन् ।