सुर्खेत- कर्णाली प्रदेश मा थप ३७ जनामा कोरोना संक्रमण पुष्टि भएको छ ।

सामाजिक विकास मन्त्रालय कर्णाली प्रदेशको स्वास्थ्य सेवा महाशाखाले एक विज्ञप्ति मार्फत कर्णाली प्रदेशमा आज थप ३७ जनामा कोरोना संक्रमण पुष्टि भएको जनाएको हो ।

प्रदेश अस्पताल सुर्खेत तथा पशुपन्छी रोग अन्वेषण प्रयोगशाला सुर्खेतमा गरिएको परीक्षणमा दैलेखका २५, सुर्खेतका ९ र जाजरकोटका तीन जनामा कोरोना संक्रमण पुष्टि भएको हो ।

यस्तै भेरी अस्पतालको प्रयोगशालामा गरिएको परीक्षणमा पनि थप ५ जनामा कोरोना संक्रमण पुष्टि भएको छ ।

अस्पतालले आफ्नो फेसबुक पेज मार्फत थप पाँच जनामा कोरोना संक्रमण पुष्टि भएको जनाएको हो । नयाँ थपिएका संक्रमितहरु बर्दिया, रोल्पा र बाँकेका हुन् ।

भेरी अस्पतालमा ६२३ जनाको स्वाब परीक्षणका लागि प्रयोगशालामा बाँकी रहेको पनि अस्पतालले जानकारी दिएको छ ।

योसँगै कर्णाली प्रदेशमा संक्रमित संख्खया ७०८ पुगेको छ ।